පැළෑටි වෛරස් හඳුනාගැනීමේ මධ්‍යස්ථානය

DNA හා RNA පදනම් කරගත් තාක්ෂණික ක්‍රමවේදයන් ඉහළ නැංවීමෙන් වෛරස හා අනෙකුත් ව්‍යාධිජනකයන් හඳුනා ගැනීමේ පරීක්ෂා එහි කාණ්ඩ හා මාදිලි මට්ටම දක්වා අධ්‍යයනය කර රෝගී තත්ත්වයන් නිවැරදිව හඳුනාගෙන රෝග පැතිරීම පාලනයට පියවර ගැනීම හා ඒ සම්බන්ධ පර්යේෂණ කටයුතු සිදු කිරීම.

ගොවීන්ට ක්ෂේත්‍ර මට්ටමේදී නිවැරදිව රෝග හඳුනා ගැනීම සඳහා උපයෝගී කරගතහැකි මස්තු තාක්ෂණය පදනම් කරගත් පරීක්ෂා කට්ටල නිෂ්පාදනය හා ඒවා ආධාරයෙන් රෝග හඳුනා ගැනීම හා මස්තු තාක්ෂණ ක්‍රමවේදයන් පදනම් කරගනිමින් වෛරස රෝග පාලනය හා සම්බන්ධ පර්යේෂණ සිදු කිරීම.

ජාන ඉංජිනේරු විද්‍යා අධ්‍යයනයන් සිදු කිරීමේ අරමුණු ඇතිව මෙම අංශය ස්ථාපනය කරන ලදී. පටක රෝපණ තාක්ෂණය උපයෝගි කර ගනිමින් කිණක රෝපණය, කළල රෝපණය ආදි තාක්ෂණික ක්‍රම මෙහිදී අධ්‍යයන කටයුතු සදහා යොදා ගන්නා අතර මේ වන විට පටක රෝපණ අංශය තුල සුදුසු රෝපණ මාධ්‍ය හදුනාගැනීම, මුල් ඇද්ද වීම, අංකුර ගුණනය, ගැමා jSකිරණh ආදී තාක්ෂණයන් පිළිබද පර්යේෂණ කටයුතු සිදු කරමින් පවතී. මීට අමතරව පටක රෝපණය ආධාරයෙන් නිරෝගී රෝපණ ද්‍රව්‍ය නිෂ්පාදනයද මෙම අංශය මගින් සිදු කරනු ලබයි.

වෛරස රෝග ව්‍යාප්තිය සිදු කරන වාහක කෘමීන් හදුනා ගැනීම හා ඒ සම්බන්ධ පර්යේෂණ සිදු කිරීම.

දිලීර හා බැක්ටීරියා වැනි අනෙකුත් රෝග කාරකයන් හදුනා ගැනීම හා ඒ පිළිබඳව පර්යේෂණ සිදු කිරීම.

ගොවීන්ගේ ක්ෂේත්‍ර ගැටළු වලට පිළියම් ලබාදීම හා පුහුණු වැඩසටහන් පැවැත්වීම